عم الزين ٢
قام عم الزين تاني يوم بدري صلي الصبح. ودعاء من جوة قلبه الله يصلح الحال وهو مارق من الجامع ماسك السبحة في يده اليمين. وصل البيت ودخل علي ام البنات لقاها بتعمل في شاي و الفحم كان بسيط. وتهب ف النار
وقال عم الزين/ ياحليل ايام الغاز. ي ست البنات. تعبتك معاي.
وقالت نفسيه والضحكة في ملامحها الجميله. ويدها مليانه حبات الشاي والنار تغلي
عاد يا الزين. انا راحتي لمن اشوفك. الصباح ولمن اشوف ضحتك. بحس اني. اسعد نفيسة في الدنيا
وقال عم الزين. والضحكة جاي من قلبه
الزين / حرم عشان الكلمتين الحلوات ديل جبتا ليك معاي بسكويت. كابتن ماجد.
نفيسه. / ههه دي دايرة زغروة
الزين / اها كوبي الشاي
الرواي /وبداء الحديث. انا حامشي سوق امدرمان. اعاين جاي وجاي اشوف سوق الخضار ماشي كيف واسال من الترابيزة
في الحداد كم
نفيسه / سالة ربي يعودك منتصر يا اسد الرجال
الزين. وعشان الدعوة دي بجيب معاي ام فتفت وشطه خضرة
الرواي
مرق عم الزين وركب اول حافله. ماشه السوق وبدات الافكار والسرحه بينه وبين نفسه الزين
ياربي السوق دة قدح النبي. وانا عبدك ضعيف. ارزقني يا الله حلال يكفي الحال ما عاشني عشان البنات وامهم
انا بقيت عجوز ستين سنه. في اخر عمري ياالله تمد في عمري واقدر استرهم. واخليهم في امان. واقابلك ياكريم مرتاح البال انت وحدك العالم بكل شي
الرواي /وعم الزين سرحان. وكمساري هنا بتطقق ليهو
وعم الزين لسه سرحان والكمساري وبصوت غضب
ارح يا عمك بطل طناش
الزين/ ايوة هاك اتفضل
الكمساري/ دي50 داير 50 تاني
الزين
/ لي ياولدي
الكمساري ياعمك. يا تدفع ياتنزل
الزين / مابتدفع اها
الرواي ودائراة النقاشات في الحافله كان الكل ضد الكمساري
وبعد نقاشات في الحافله ومابين طمع الكمسارة والسواقين والسوق الاسود وفشل الحكومة وصلة الحافله الي سوق امدرمان. كل الناس نزلة من الحافله الا عم. نزل اخر زول ويردد لا اله الا الله فوضتك امري اللهم انصر عبدك الضعيف اللهم النصر لا تردني مكسور. يتم#
إرسال تعليق
0 تعليقات