عم الزين ٤
عم الزين(4)
وصل عم الزين البيت. وملامح وشه تحكي عن التفاؤل
كورك بصوت حنين ام البنات يا نيفسة
ولا حياة لمن تنادي.خشه المطبخ مافيشة ودخل باقي الغرف برضو مافي كورك احتار ؟
كورك بالحيطة يا. ام حسين.
ام حسين /حبابك يا الزين
عم الزين / مرتي والعيال معاكم
ام حسين/ يا. الزين انت ماعارف ولاشنو.
مرتك وقعت قبيل. وساقوها. مستشفي الجزيرة اسلانج حصلهم
الرواي / في اللحظة ديك عم الزين بقي يخش جوة البيت ويتطلع. ويلف في الحوش راسه ضرب خلاص
استغفر ربنا ودخل غرفته شال قروش نهايه االخدمة
ومرق. جاري علي الزلط اول ركشة. ركب علي المستشفي. ياولدي وعمي الزين يسبح. لحدي ما وصل المستشفي اول مادخل لمح بته فاطمه.
وجري عليها ان شاء الله خير مالكم
فاطمة/ والله يا ابوي. لسه في غيبوبة ليها ساعه
الزين / والدكتور قال شنو؟
فاطمة/ هو في دكتور ممرضات بس.
الزين / هي وين اسي
فاطمه / تعال
الرواي / دخل عم الزين العنبر وشاف نفيسة
فاقدة الوعي الدموع نزلة من الزين بدون مايشعر
وقال ف نفسه اللهم لا اعتراض في حكمك
وجري عن الممرضه وين الدكاترة
الممرضة/ في اضراب ما بجو يا حاج نصحية وديها مستشفي خاص شكلها تعبانه شديد ماتضيع وقتك
عم الزين / لا حولة ولا قوة الا بالله
الرواي/ مرق عم الزين يفتش حاجه توصله المتستشفي
الخاص مالقي اي حاجه. في نهايه اتصل بالاسعاف
عم الزين / الو السلام نحن في متستشفي الجزيرة الجزيرة اسلانج عندنا حاله ودنها مستشفي النيل الازرق
عامل الاسعاف/ بتكلفك 5الف ياحاج
عم الزين / تعال انعل ابو القروش الروح بتروح
عامل الاسعاف/ نص ساعه اصلك
عم الزين / تمام
يتم 🚑🚑🚑🚑🚑🚑🚑🚑🚑🚑
إرسال تعليق
0 تعليقات