عم الزين الحلقه(3)سوق امدرمان 

وعمي الزين نزل من التكس التعاوني وايات الله في خشمه وقلبه كله يقين انه ربنا حايرده منصور 

بدت رحلة عم الزين.  من الموقف يعاين جاي وجاي 

وكان السوق زحمه.  وكل تاجر يكورك حسب سعره  عاين عم الزين لقي شافع يكورك بصل اخضر طريف

الكوم 100 ج تعال جاي وعاين بجاي عمك الزين اتبسط 

عاين تاني لقي عمك كبير  يكورك. طماااااااطم. بي 70 جنيه بس وعاين تاني لقي نسوان الدكوة والفول السوداني. مبسوطين يتنونسو في امان الله

عم الزين شعر براحه نفسيه وقرر يسال. اي. بتاعه فرشه. خضار عن تفاصيل البيع هنا 

وفعلا عم الزين لقي عمك في سنه.  مهدم  ونضيف وقاعد ليه صندوق كولا. وبقراء في جريدة الدار

 عم الزين سلم علي عمك (الزين)  السلام عليكم 

البائع./وعليكم السلام اتفضل عايزة سلطة ولا بطاطس ولا شنو؟

الزين/ والله عايزك انت داير ادردش  معاك شويه ممكن

البائع / حرم تقعد وتشرب شاي كمان 

الزين / الله يكرمك

بس عايز اسالك ممكن اللقي طريقه اشتغل في السوق هنا وبتكلفني كم وبتغطتي معاي ولا

البائع / اول شئ انا اسمي حسن كبسول 

من مواليد القضارف مهندس زراعي 

انت منو عرفني بيك؟

الزين/ اناالزين ابراهيم كنتا شغال محاسب في المحليه نزلتا معاش وانت عارف المعاش وحاله جيت اشوف رزقي هنا 

حسن/ ايوة  طيب السوق دة قدح النبي لو ماعشمك في الله كبير ماتخش ممكن يوم تبيع فرشتك. في ساعه وتكسب كسب جد وممكن مرة ماتبيع ولا جرجيرة الشغله هنا ايجار. في زول شغال تبيع البلديه بتدفع ليهو700 في الاسبوع وبالنسبه لي الخضار بتشري من الدفار الصباح الدقش بالمعقول وتجي تبيع بالمعقول

الزين / يعنيي يا باشا مهندس حسن  الفرشة بتكلفني كم

حسن/ لو فرشه مانعة وتغطي معاك 7 او 8 

الزين/ وبتدخل كم ؟

حسن / هههه حسب جشعك انا غايتو راضي بي ربح 3 الف فوق راسي مالي والحمد لله 

الزين/ تسلم ياخ انا داير اجر جمبك هنا انت زول خلوق 

دة رقمي اجهز حالي واجيك

حسن /ابشر والله حبابك عشرة

الرواي / وعم الزين ودعك عم حسن وماشي سمع عمك حسن بكوريك ليهو اقيف اقيف يا الزين عوك

عم الزين اتلفت لقي عم حسن جاي ماشي وكيس الخضار في يده وحلف يمين دي تحية محبة في الله والرسول (ص )عم يحلف والزين يحلف 

في النهايه الزين شال الكيس وماشي علي الموصلات يفرح ام البنات بالحصل وركب عم الزين وقلبه  مليان اطمئان  فرحان انه ربنا مارجعو مكسور وصل عم الزين البيت  يتم